| Burrunbazale Tx...'s profileBurrunbazale TxarangaPhotosBlogLists |  Tools  Help |
|
|
September 19 Ordizia: Eskarabilako jaiak Ez dugu zorte onik izan eguraldiarekin. Eskarabilan busti beharrean izan gara. Baina, Burrunbazalek badu eskarmentua honetan eta euriak ez du makalduko. Txupinazoa eta firi-firi segituan. Aupa, Burrunbazale! Goiza lasai joan zen. Txupinazoa Requejok bota zuen, bere despedida zen-eta. Ur gehiago esperoko zuen nonbait, neoprenozko jantziekin azaldu baitzen. Zorionak, Requejo jauna! Ez damutu ezkondu baino lehen, e? Aktuazioaren ondoren, indarrak errekuperatu behar eta Aldasoro tabernara joan ziren txarangeroak, hango albondiga mitikoak jatera! Ene! Berriz ere jotzeko moduan, bai! Tragoak ere erruz atera zituzten Eskarabilan eta gure esker ona hantxe geratu zen. Arratsaldeko diana Aldasoro aurrean egin zen, Eskarabilako udala balitz bezala, eta bukaera, berriz, karpan. Asko jo zuten danborradan eta airerik gabe geratzeko zorian izan ziren. Esker bereziak eman behar dizkiogu Amaiari, ederki lagundu baitzigun arratsaldean. Zer izango zen hura bera etorri ez balitzakigu! Aupa, Amaia eta aupa, Burrunbazale!  September 06 Ordiziako Euskal Jaiak (2 egun)Arbolaren lara-larak entzutean, atera ginen denok balkoira. Ez zen giro Burrunbazaleren inguruan! Egia da garai horretan umeak eta bere gurasoak izaten direla dantzan... Gazteak indarrak erreserbatu nahian nonbait! Gure txarangero gazteak ez dute indarrak ahitzeko beldurrik, nonbait! Guk, euskaraz abestu zuten gogoz eta Baila, negra etorri zen gero, broma batean. Los conformes abestu zuten ganberro-ganberro, bueltaka, eta inguruan zeuden haurrak imitatu nahian hasi ziren. Erraldoiak erretiratu eta beste ordubetean, nekerik gabe aritu ziren, firi-firi! Larga vida al rock&roll esan ohi dugu...Larga vida a la Burrunbazale diogu guk, Ordizian! Ibarrako festakAtzean geratu zaigu uda..., bukatu zaizkigu oporrak eta urte saio luzea geratzen zaigu lanerako... Uf! Gure txarangerok ez dira arpa jotzen aritu, hemen eta han ibili dira eta elkarrekin jotzeko astia ere hartu dute. Helduen tanborrada jo zuten Ibarran eta oso gustura aritu ziren. Ibarrakoekin entsegu bakarra egin zuten eta Ordiziako lainezak atzean utzi beharrean izan ziren: hura jotzea! Kale luze hartan ederki entzun zen danborren eta Burrunbazaleren soinua. Afaria ere ez zen makala izan: oilaskoa eta langostinoak nonahi! Itsasokoak eta Ibarrakoak. Larruebete jan eta... txarangero batzuek ez ziren hurrengo goizera arte erretiratu... Kotxe bila, biharamunean joan behar izan zuten!! Baina, gogoeta ederra geratu zen Ibarrako festaz. Bai, jauna! July 25 Ordiziako festakOrdiziarrak gara eta uztailaren 24ko txupinazoa ordiziarron artean egin genuen. Hantxe ziren Usabiaga ahizpak eta hantxe izan zen Burrunbazale ere.
Oraindik ere, festak bero-bero gogoan ditugunean, hementxe duzue ordungo apuntetxo bat: Aspaldian idatzi gabe: Legorreta, Ordiziako Gaztetxearen Urtemuga, Ordizia Futbol Koadrilen arteko txapelketa...: Denbora asko pasatu dugu ezer idatzi gabe. Baina Burrunbazale ez da geldi egon: Legorretako festetan bapo pasatu zuen danborrada eta guzti, Ordiziako Gaztetxearen urtemuga ezin ahaztu, txarangero hauen adina harrapatuz, Ordiziako Koadrilak egiten duten Futbol txapelketari ere amaiera eman zien... Tartean izan dituzte azterketak, kirolak, parrandak... Baina Burrunbazale daleketepego dabil! March 28 Korrika.JPG) Hemen da Korrika 16. Tuteran abiatu zen eta, 11 egunetan, 2.503 kilometro osatuko ditu; gau eta egun ibiliko dira korrika Euskal Herri osoan, eta apirilaren 5ean, amaituko da, Gasteizen.Iruñea atzean utzi eta Gipuzkoarako bidean da. Donostiara iristean, Mikel Laboa abeslaria izango dute gogoan eta Donostiako Antiguo auzoan bere emazte eta alabak hartuko dute Korrikaren lekukoa.
.JPG) San Adrian, Azkoien, Faltzes, Pitillas, Erriberri, Lerga... eta ostegunean Ordizia! Baina Burrunbazalek ez du ostegunera arte itxaron eta gaur bertan hasi da puzka. Hotza Enparantza Nagusian, baina baliente-baliente hasi dira neska-mutilak txaranga inguruan elkartzen. March 01 2 urte! Azkarrago hasi zineten, txarraka-txarraka, elkartzen, baina 2007ko martxoaren 1a duzue jaotegun ofiziala. Zorionak! IñauteriakPasatu dira iñauteriak eta, pixkanaka, errekuperatzen joan gara. Burrunbazale Tolosan izan zen eta muturrak puztuta ekarri zituen. Bergarakoa ere ez zen txantxa izan! Larunbatean ez zen giro en la Euskadiprofunda! Ene!
Orain, bare-bare gaude. Gerra ondorengo patxada gainean... Argazki batzuk ondo etorriko litzaizkiguke, baina ez dago bada... December 27 II. Burrunbazale EgunaGaur gure txaranga II. Burrunbazale Eguna ospatzen ari da. Iazko esperientzia aparta izan zela eta aurtengoa ezin ospatu gabe utzi! Horregatik agertu zaizkigu txapela buruan, zuria baino zuriago! Euriak ere tartea utzi du, txarangaren doinuak entzun nahian edo... Ondo pasa Burrunbazale Eguna eta ondo amaitu urtea! December 14 Aupa, Petas! Miguel Angel Azkarate, Petas, 48 urteko musikari tolosarra dugu eta Iraunkorrak eta Nekaezinak txarangetako kide.
Uda iluna izan zen Miguel Angelentzako, uztailaren 16an buruko infarto batek jo eta 19 egunez UCIn sartu baitzuten. 4 hilabete eman zituen Donostiako Ospitalean eta, azkenik, Arrasateko Aita Mennira trasladatu zuten, berehala aurrerapen nabarmena atzeman zitzaiolarik. Baina Miguel Angelek beharko lukeen tratamenduak 3 eta 6 hilabete eskatzen ditu eta kostua jasan ezina litzateke bere sendiarentzat, hileko 8.000 euro inguru behar baitira. Egoera honen aurrean, Petasen familia eta lagunek plataforma bat osatu zuten, diru mordoxka biltzeko era ezberdinak baloratuz. Petasen bi afizio handiak musika eta kirola ziren eta hementxe izan ziren Juanma Lillo, Real Sociedadeko entrenatzailea, Eñaut Zubikarai atezaina eta Petasen hiloba, Peli umorista, Iñaki Arratibel medikua eta txaranga, musikari, soziedade eta asoziazio ezberdinetako ordezkariak. Antolaketa horren ondorio izan da gaurkoa. Ostartea izan dugu goizeko poteoan eta euriek atseden hartu dute Tolosan, txaranga ezberdinen soinuak Tolosako alde zaharreko kaleetan lasai-lasai entzun ditugularik. Bazkaria Tingladon izan da eta garai horretan hasi dira zaparradak, baina bost axola! aterpean geunden-eta. Txaranga, dultzainero, txistulari, trikitilari eta nafar jotikak desafio egin diote eguraldiari (aterpean, klaro!) eta 700 pertsonetik gora urratu dituzte eztarriak bertan. Divinus Catering-en laguntza izan da otorduaren antolaketarako (300 otordu bere kontura izan dira!): menestra, txekor karrilerak, brazogitano, kafe, kopa eta Homenaje ardoa 25 eurotan. Izango dira ekintza gehiago: futbol partida bat Berazubin, Leidorren umore saioa, saski baten zozketa... Enpresa ezberdinen laguntza ere izan da eta bi kontu ireki dira norbanakoen laguntzak jaso ahal izateko:
Aupa, Petas! Burrunbazale Txaranga ere zurekin dago! Hementxe duzue Koskola Txaranga bazkariaren bukaeran.
December 01 MIKEL LABOA hil daOctober 26 2008- Bai Euskarari Ordizian
Aspaldiko partez, kontu kontari gatozkizue oraingo honetan.
Ahaztu zitzaigun Eskarabilako festen berri ematea... Primeran ibili ginen, baina datorren urterako utzi beharko dugu kontu hori.
Aste guztia daramagu Ordizian Bai Euskarari lelopean eta Burrunbazalek ere bere aletxoa jarri nahi izan du festa honetan. Atzo ikusi genuen txaranga ordiziarra, plenoal15 batean. Batzuek futbol partidua jokatzetik etorri ziren Izaletik eta besteak, berriz, saskibaloiko partidua jokatzera joan ziren su batean Donostiarantz. Tarte aparta eskaini zuten, ordea, motza eta bikaina. Hementxe utziko dizuegu tanta bat!
Ikusteko arazoak badituzue, hobeto ikusiko duzue bere helbidean: http://www.youtube.com/user/Burrunbazale
July 24 Ordiziako festak: txupinazoaAurreko larunbatean hasi ziren haurren festak Ordizian.
Bero galanta egin zuen eta betiko komitiba firi-firi joan zen bat bestearen atzean: txistulariak, erraldoiak, trikitilariak eta Burrunbazale Txaranga. Atzean, festaren gose zen konta ezininezko ordiziar pila saltoka geratu gabe. Errekorra egin zuen Burrunbazalek larunbatean, bide guztian zehar ez baitzuen trago bat ere edateko aukerarik izan. Geldiunetan, pieza bukatzen ari zen bitartean, taberna jendez betetzen zen eta tabernariek ez zuten begirune berezirik izan, txarangari berehala edariak ateratzen. Likido desiratua eskuratu baino lehen, komitibak aurrera egiten zuen eta Burrunbazale "de sekano" berriro ere! Txarangako kideren bat libratu egin beharko du horrelako lanetarako, ez baita broma sekulako bero zaharra denean, firi-firi lehor-lehor aritzea! Gaurkoan ez du Burrunbazalek txupinazoa jo, Lagunak txarangak baizik. Lainoak ditugu zeruan eta ez du larunbateko infernu hura ematen. Ea txaranga honek guk baino zorte hobea duen! Suziria gure Jon Urteagak bota du Barrenan. Bai. Barrenan izan da txupinazoa eta, harrigarria bada ere, momentu horretan udaletxeko grua lanean zebilen. Badakigu obrak luze joko duela, baina antolaketa kontua da udaletxea festatan kuxidade horretan mantentzea, itsusi, arriskutsu, erosotasunik gabe... Izango da arrazoiren bat... Burrunbazale Txaranga Idoiaga Plazan izango dugu berehala, El Albero zezenzaleen peñak antolatutako bigantxak eta koadrilen arteko IV. bigatxa futbol txapelketa alaitzen. Aupa, Burrunbazale! Ondo pasa festak! June 28 Ordiziako Musika Eskolak 25 urte bete dituAtzo Golden Apple Quartet, Donostiako laukoak, Herri Antzokian abestu zuen lehen aldiz.
Bukatu berria da ikasturtea, eta urte honetan guztian zehar Ordiziako Musika Eskolak bere 25. urteurrena ospatzeko ekitaldi ugari antolatu du. Atzokoak itxi zuen ospakizunen zerrenda. Badugu zer ikasia gure 25. urteurrena ospatzen dugunerako!
1986an sortutako taldeak musika, umorea eta errespetua uztartzen ditu. Loiola Garmendiak, Eduardo Errondosorok, Manuel Romanok eta Enrique Otxoak osatzen duten laukoa ezaguna da oso musikaren munduan. Hamaika emanaldi eta ekitalditan parte hartu du Golden Apple Quartetek, eta haien ahots-joko, xelebrekeria eta erritmoarekin entzuleak bereganatzen iaioak direla erakutsi dute. Ez zen giro atzo Ordizian! Inork ez zuen etxeratu nahi eta jende asko Garagardo Festara joan zen afaltzera; Musika Eskolakoek, berriz, Martinez jatetxean eman zioten bukaera urte luze eta aberats honi.
Burrunbazale Txarangak urte askotarako oparotasuna opa dizuegu!
June 23 San Joan bezpera
June 15 Boluntarioen I. AzokaAtzo, Ordiziako Enparantza Nagusian Boluntarioen I. Azoka izan zen eta 14 elkartek eta taldek euren postuak jarri zituzten plazan informazioa banatzeko. Elkarteek euren saltokiak jarri zituzten plazan eta haietako batzuk postua erakusketekin edota umeentzako jolasekin osatu zuten. May 31 Aspanovas Ordizian II
May 30 ASPANOVAS Ordizian
Futbola
|
|
|
